មិនមែនរថយន្តទាំងអស់សុទ្ធតែស៊ីប្រេងតិច និងល្អសម្រាប់បរិស្ថានក្នុងពេលតែមួយទេ។ នោះហើយជាមូលហេតុដែលអ្នកទិញរថយន្តភាគច្រើនត្រូវសម្រេចចិត្ត ថាតើពួកគេចង់បានរថយន្ត Hybrid ឬរថយន្តសាំង។
ខណៈពេលដែលរថយន្តសាំងគឺជាជម្រើសច្រើនជាងគេ ហើយរថយន្ត Hybrid កំពុងទទួលបានកេរ្តិ៍ឈ្មោះនាពេលថ្មីៗនេះ។ បន្ទាប់ពីទទួលបានជោគជ័យស្ទើរតែគ្រប់ប្រភេទរថយន្តចាប់ពីរថយន្តស្ព័រទំនើបៗ ដល់រថយន្តតូចប្រភេទ Sedan ហើយបច្ចុប្បន្នរថយន្ត Hybrid គឺជាប្រភេទរថយន្តដែលលក់ដាច់ច្រើន។ ចំណុចគួរឱ្យកត់សម្គាល់នោះគឺវាប្រើប្រាស់ប្រេងឥន្ធនៈតិចជាង រថយន្តសាំងធម្មតា និងអត្ថប្រយោជន៍ផ្សេងៗទៀត។ ពិតណាស់រថយន្តនីមួយៗមានគុណសម្បត្តិ និងគុណវិបត្តិរបស់វារៀងៗខ្លួន ដោយមានការផ្អែកលើភាពរឹងមាំ រួមទាំងការថែទាំរបស់យើងផងដែរ។ ប្រសិនបើអ្នកមិនច្បាស់ថាតើអ្នកគួរតែជ្រើសរើសរថយន្តប្រើប្រាស់សាំង ឬរថយន្ត Hybrid ទេនេះគឺជាការយល់ដឹងល្អបំផុតសម្រាប់អ្នក។
ខាងក្រោមនេះយើងនឹងនិយាយលម្អិតអំពីគុណសម្បត្តិ និងគុណវិបត្តិរបស់រថយន្តសាំង ជាមួយនឹងរថយន្ត Hybrid ៖
គុណសម្បត្តិ
រថយន្ត Hybrid
- ស៊ីប្រេងតិច
- ល្អសម្រាប់បរិស្ថាន
- តម្លៃលក់ចេញបានខ្ពស់
- កាត់បន្ថយការពឹងផ្អែកប្រេងឥន្ធនៈ
រថយន្តសាំង
- កម្លាំងអូសទាញខ្លាំង
- តម្លៃសមរម្យ
- ការចំណាយលើសេវាកម្មថែទាំទាប
- កម្លាំងម៉ាស៊ីនស្ទុះ (ការបង្កើនល្បឿនបានលឿន)
គុណវិបត្តិ
រថយន្ត Hybrid
- ការចំណាយលើសេវាកម្មថែទាំខ្ពស់
- មិនមានបូមជាលក្ខណៈស្ពត
រថយន្តសាំង
- បំពុលបរិស្ថានដោយការបំភាយ
- ស៊ីប្រេងច្រើន៕
រៀបរៀង និងកែសម្រួលដោយ៖ ទ្រី ស៊ីណេង